CAF e hlalosa ha e tshehetsa Gianni Infantino le boetapele ba hae
Mokgatlo o tsamaisang bolo Afrika wa CAF, o bontshitse ha o tshehetsa mopresidente ya mathata wa FIFA.
CAF, o hlalositse ha e ema le Gianni Infantino eo bokamoso ba hae jwalo ka hlooho ya FIFA bo dutseng qoleng ya kobo.
Sena ka mora hore Infantino a sisinye hore ho rekiswe karolwana e itseng ya FIFA ho rakgwebo ya ikemetseng.
Tshisinyo ena e kgwepheditse maikutlo a fapaneng a mekgatlo moo e meng e bontshitse ho hloka tshepo ho Infantino le ho hlalosa batla ikgula dipapading tse FIFA ho kenyeletsa mohope wa lefatshe.
CAF, e hlalositse ha e tshehetsa Infantino le ho amohela kopo ya tshwarelo ya mokgatlo [FIFA].
Ntlheng ya ho kgetla mahlakore CAF e bontshitse ha e ananela ho hulwa ha tshisinyo mme e batla ho tswelapele ho sebetsa tlasa ketapele ya Infantino.
Ntlha-kemo ena ya CAF, e tsositse maikutlo a mangata a fapaneng jwalo ka ha mokgatlo o nkile dibeke pele o ka arabela mme le karabelo ya ona e fapane le ya mekgatlo e meng.
Ha jwalo ditho tsa tsamaiso ya FIFA ba hlalositse ha ba tshehetsa Infantino mme dinaha tse fapaneng dintse ditswela pele ho bontsha ho hloka tshepo ho yena.
