Da Cruz o lla ka mohlwa papading ya bona e fitileng
Mokwetlisi wa Kaizer Chiefs Fernando Da Cruz, o llile ka mohlwa wa moo sehlopha se bapalletseng papadi ya bona ho ona.
Chiefs e ne e le leetong naheng ya Zambia moo sehlopha se hlotsweng ka 1 – 0 ke Red Arrows leotong la pele la CAF Confederation Cup.
Da Cruz, o hlalositse ha mohlwa o ne o se maemong a dumellang sehlopha ho bapala papadi eo ba e tsebang.
“E ne e se lebala le maemong a matle ho bapala papadi ya rona empa re lokela ho tlwaela le ho bapala hole jwalo,” ho realo Da Cruz.
Le ha sehlopha se lahlehetswe, Da Cruz o dumela ha sehlopha sa hae sene se itukiseditse papadi le ho laola papadi.
“Rene re itukisitse. Re tsibile hore batla bapala dibolo tse telele le ho matha haholo e leng se sebedisang haholo.”
Chiefs e tlasa kgatello ya ho fetola dintho ka ho hapa papadi ya leoto la bobedi ho fetela mokgahlelong o latelang wa group stages.
Amakhosi ke sona fela sehlopha sa Afrika Borwa se lahlehetsweng dipapading tsa kontinente mme kgatello e matla ka ho fitisisa ho bona.
BALA: Siwelele se theolela Seema maemong a tlase a tshebetso
