Relebohile Mofokeng o ingola ka tlhaka tsa mollo Belgium

Sebapadi sa mehleng sa Orlando Pirates Relebohile Mofokeng, o ngola lebitso la hae ka ditlhaka tsa mollo naheng ya Belgium.

Sena ka mora hore sebapadi sena se hlabe ntlha ya sona ya pele papading ya pele ya sehla le sehlopha sa hae sa Royale Union Saint-Gilloise.

Mofokeng o kene karolong ya bobedi ya papadi moo a bapetseng metsotso e 30 mme motsotso wa bone a le ka lebaleng ke ha a hlabela sehlopha ntlha ya katoloso.

Saint-Gilloise, e hlotse Westerlo ka 5 – 1 mme yona e dutseng ka hodimo ka mora ho hlaba dintlha tse ngata papading ya pele.

Mofokeng o se a thusitse ho hlabeng ntlha (assist) papading ya setswalle ya sehlopha, a hlaba mokoko (penalty) wa ho qetela ho hapa mohope wa Super Cup mme o hlabile le ntlha ya hae ya pele papading ya pele ya sehla.

Lekejakejane lena le dilemo di 21, le kena lenaneng la dibapadi tsa Afrika Boroa tse hlabileng ntlha papading ya tsona ya pele mose ho mawatle.

BALA: Chiefs e hlaba ka dinaka fatshe mokgahlelong wa pele wa MTN8