Chiefs e hlaba ka dinaka fatshe mokgahlelong wa pele wa MTN8
Sehlopha sa Kaizer Chiefs se hlabile ka dinaka fatshe mokgahlelong wa pele wa dipapadi tsa MTN8 bosiung ba sontaha.
Chiefs, e hlotswe ke Golden Arrows ka
1 – 0 papadi ya ho qetela ya Quarter-final tsa mohope wa dihlopha tse robedi tse qetileng dile ka hodimo ho Betway Premiership.
Ntlha ya Arrows, e kene karolong ya bobedi ya papadi ka Khulekani Shezi ka mora motsamao o motle wa sehlopha tlhaselong.
Chiefs e sabang le monyetla wa ho bapala mohopeng ona sehleng se fitileng, ke sona fela sehlopha Gauteng ho tse tharo tse nkileng karolo se tswileng.
Papadi ya Chiefs le Arrows, ke yona fela dipapading tse nne eo fedileng ka metsotso e 90 ka mora hore dipapadi tse tharo kaofela difetele nakong e ekeditsweng [extra time].
Arrows, e tla tobana le Orlando Pirates e hlotseng Durban City, ha Mamelodi Sundowns e tla tobana le Sekhukhune se hlotseng AmaZulu.
Mokgatlo o latelang wa dipapadi o tla bapala maoto a mabedi [home and Away].
