Sebapadi sa Chiefs se olla dikgau tsa sebapadi sa letsatsi

Sebapadi se tswelang pele ho sebetsa ka thata sa Kaizer Chiefs, se tswelapele ho kgola ditholwana tsa mosebetsi wa sona.

Lebohang Maboe ya bapalang mmpeng ya lebala, o hapile kgau ya sebapadi sa letsatsi papading eo Chiefs e hlotseng Orbit College ka 3 – 1 ho ikgapela dintlha tse tharo.

Maboe ke se seng sa dibapadi tsa Chiefs tse sebetsa ka thata ho lwanela dintlha tse tharo le boemo bo hodimo tafoleng ya dihlopha ho Betway Premiership.

Dipapading tse tharo tseo Chiefs e dihapileng ka tatellano, Maboe o hapile kgau ya sebapadi sa letsatsi ho bontsha boiphihlelo ba hae papading ya bolo.

Ha amohela kgau ya hae, Maboe o hlalositse haba lokela ho lwana hore ba fetole dintho sehlopheng.

“Re lokela ho lwana le hose fele matla jwalo ka sehlopha le dibapadi. Ke nahana ho bohlokwa hore re dule re dumela hore reka fetola dintho,” ho realo Maboe.

Ke dumela hare tsibile ha papadi e qala hore mosebetsi wa rona ke eng. E bile taba ya ho itukisa mehopolong le ho fumana ntlha ya pele.

Chiefs e dutse boemong ba boraro ka mora ho hapa dipapadi tse tharo ka tatellano mme ba bokeleditse dintlha tse 39 ka dipapadi tse pedi ka letsohong papisong le sehlopha seo ba tsekang boemo le sona sa AmaZulu.

BALA HAPE: Chiefs e hapa papadi ya boraro ho dula boemong ba boraro