Shandu o leboha Pirates ka mora dilemo sehlopheng
Sebapadi se qetang ho arohana le Orlando Pirates Bandile Shandu, o ngotse molaetsa moo a lebohang sehlopha ka tshwaro ya sona ho yena.
Shandu o dutse sehlopheng dilemo tse hlano moo e bile karolo ya dibapadi tse hapileng mehope e robedi ho kenyeletsa mehope e mmedi ya Carling Knockout (Carling Knockout le Carling Black Label Cup).
MTN8: 2022, 2023, 2024, 2025 (4 titles)
Nedbank Cup: 2023, 2024 (2 titles)
Betway Premiership: 2025/26 (1 title)
Carling Knockout (1 title)
Carling Black Label Cup (1 title)
Shandu o hlalositse ha leeto la hae sehlopheng le bile monate le ditho tsohle tsa sehlopha.
“E bile leeto le monate pela dibapadi tse nang le neo le moifo o kgabane wa bokwetlisi,” ho realo Shandu.
BALA: Ouaddou o phunya seso ka kgethollo ya dibapadi sehlopheng
“E bile tlotla e kgolo ho tsamaya leeto leo o modimo a le kgethile bakeng sa dilemo tse hlano.”
“Ho dibapadi mmoho, keya leboha ka dilemo tse hlano tse bileng monate. Re bile le metsotso e monate le ho aha setswalle sa nnete.”
“Ho batshehetsi ba sehlopha, ke leboha tshehetso ya lona le botshehetsi ba lona ba letsatsi le letsatsi. Le e ntse leeto laka le ikgethe.”
Shandu ya lebohileng bohle le ho lakaletsa sehlopha tse ntle, ke karolo ya dibapadi tseo Pirates e nkileng qeto ya ho arohana le tsona ho kenyeletsa Sipho Mbule.
BALA: McCarthy ona le tumellano ya hore sehlopha setla kgutla
