City e qobella Pirates ho emela letsatsi la ho qetela ho tseba
Sehlopha sa Durban City se hanne ka molala kgahlano le Orlando Pirates e neng e itukiseditse ho keteka pele moropa o lla.
City, e bapetse maleka a 0 – 0 le Pirates lebaleng le neng le phophoma balatedi la Orlando Amstel Arena motsheare wa moqebelo.
Pirates, e me e hloka tlholo ho bitswa bo mmpudi ba sehla se hodimo sa dipapadi ka papadi ka letsohong empa City e ya ema seo ka pele.
‘The Buccaneers’ ba kokotile ka makgetlo tekong ya ho fumana ntlha empa lebota la morao la City la moma o ka fatshe le ho tisa hlooho.
BALA: Santos ka lebelo la Betway: Re ntse rele ka hodimo
Papadi e fedile ka maleka a 0 – 0 mme dihlopha tsa arolelana ntlha eo batshehetsi ba Pirates basa e thabelang jwalo ka ha bane ba batla tse tharo.
Sebapadi sa City sa lebota la morao Siphamadla Ncanana, e bile yena sebapadi sa letsatsi ka mora ho thiba a satswa thiba dibapadi tsa Pirates tse hlaselang.
Pirates e tla lokela ho emela moqebelo wa la 23 moo e tla tlameha ho hlola Orbit College ho phahamisa mohope wa Betway Premiership.
E bang Pirates e ka hlolwa ke ho hapa papadi eo, Mamelodi Sundowns e dutseng ka hodimo tafoleng ya dihlopha, e tla tshireletsa mohope wa yona mme Pirates e tla qeta e dutse bobeding.
BALA: Usuthu e etsa boipiletso ho batshehetsi ho tshehetsa Sundowns
