Dihlopha tsa Gauteng ditswa dikolokile ho Nedbank Cup

Dihlopha tse pedi tse kgolo tsa Gauteng papading ya bolo, dikopane le pela difalla dipapading tsa mohope wa Nedbank ka moqebelo.

Sehlopha sa Mamelodi Sundowns, se botshintswe sepoko sa motsheare ke sehlopha sa TS Galaxy ha Orlando Pirates, e bone tosa le madinyane kgahlano le Casric Stars hona bosiung boo.

Sundowns, e hlotse ke Galaxy ka 2 – 0 papading e bapalletseng lebaleng la Solomon Mahlangu Motsheare wa mantsibuya.

Dintlha tsa Galaxy, dikene karolo ya pele ya papadi ka Siphamadla Ngwenya ha ntlha ya bobedi e kene ka Junior Zindoga e thaho ya mekoko.

Sundowns e keneng papading ena ka sehlopha se fetohileng papisong le se qadileng kgahlano le Pirates, e ne e qala ho tswa mokgatlong wa tse 16 tsa ho qetela dilemong tse 9 kaofela.

Ka lehlakoreng le leng, Pirates, e ntshitswe ke sehlopha sa Casric e bapalla mokgahlelong o ka tlase wa Motsepe Foundation Championship ka thaho ya mekoko 4 – 5.

Dihlopha dingangane metsotso e 120 ka 0 – 0 sehlopha ka seng mme kgang ya banna ya kgalwa ke letlaka (penalties).

Casric e tla emela ho tseba baphepetsi ba bona ka mora hore dipapadi dibapale kaofela le hore lotho ya tse setseng e etswe ka mantaha.

Mohope ona tswelapele ho etsa dimakatso ka mora hore batshireletsi ba ona Kaizer Chiefs, batswe mokgahlelong o qala wa dibapadi (last 32).

Tebello ke ho bona hore ke sehlopha sefe se tla sebetsa ka matla ho ikgapela ona le hona monyetleng wa ho bapala dipapadi tsa kontinente sehleng setlang sa dipapadi.

BALA HAPE: Mosimane: Ke na le kgahleho ya ho kwetlisa Bafana Bafana