Lorch ke sebapadi sa Wydad

Sebapadi sa mehleng sa Mamelodi Sundowns, Thembinkosi Lorch o fihleletse tumellano ya dilemo tse pedi le Wydad Casablanca ya Morocco.

Lorch o ile a ya sehlopheng sa Wydad ka kadimo tlasa mokwetlisi Rhulani Mokoena.

Lorch o ile a sala le ho kgahla mokwetlisi ya motjha ka mora hore Mokoena a tsamaye sehlopheng.

‘Nyoso’ jwalo ka ha a tsebahala, e bile karolo ya sehlopha sa Wydad seneng se bapalang ho Club World Cup mme le moo o ile a etsa menyakwe.

Ho tsamaya ha Lorch sehlopheng sa Sundowns ha ho makatse ka mora hore mokwetlisi Miguel Cardoso a hlalose ha batla kgutsufatsa sehlopha.

Lorch ke emong wa dibapadi tse sa bang le nako e ngata ya ho bapala ho Sundowns mme tumellano ya hae le Casablanca e tla mofa monyetla wa ho bapala kgafetsa papisong le ho Sundowns.

Lorch o bapatse dibapadi tse 26, a hlaba dintlha tse 7, a thusetsa ho tse 4 sehlopheng sa Sundowns.

Lorch ya kileng a matha le mebaleng ya Orlando Pirates, o nkileng nako a ikwetlisa a le mong ka mora hore nako ya kadimo e fele Casablanca.

O ile a kgutlela lapeng ha a emetse ho tseba ka bokamoso mme o tla kgutlela Casablanca jwalo ka sebapadi sa moshwelella bakeng sa dilemo tse pedi.

BALA HAPE: miguel-cardoso-o-bua-ka-ribeiro-le-mudau