McCarthy o eletsa Afrika Borwa ka Eritrea pele ho papadi

Mokwetlisi wa naha ya Kenya Benni McCarthy, o qhwaile Afrika Borwa ka sehlopha seo batla kopana le sona sa Eritrea.

McCarthy eo e leng letswallwa la Afrika Borwa, o hlalositse ha Eritrea e se naha e lokelwa ho tlodiswa mahlo ka lebaka la nalane e fokolang papading ya bolo.

“Batho ba bangata ba e kgella fatshe,” ho realo McCarthy.

Naha ena e bapetse maleka a 1 – 1 le Kenya ya McCarthy papading ya pele moo Kenya e tlileng e lelekisa papadi.

McCarthy, o hlalositse ha Eritrea le Kenya ditla lwana ya kgumamela kgahlano le Afrika e nkelwang hodimo kontinenteng.

“Ke nahana Eritrea le rona [Kenya] retla tshwarisa Afrika Borwa le Guinea bothata bo boholo.”

Afrika Borwa e tla thulana le Kenya kgefutsong e lateng la FIFA ka kgwedi ya pudungwane.

BALA: Mokoena le Modiba batla fetwa ke dipapadi ka lebaka la dikotsi