Mofokeng o hapa mohope wa pele le Royale Union Saint-Gilloise

Sebapadi sa mehleng sa Orlando Pirates seo ha jwale se bapallang naheng ya Belgium, se thuditse sehlopha sa sona ho hapa mohope wa Belgium Super Cup.

Relebohile Mofokeng, o hlabile mokoko wa ho qetela ho hapela sehlopha papadi ka mora hore papadi e fele ka maleka a 1 – 1 le ho leba thahong ya mekoko.

BALA: Ebe mokwetlisi wa Chiefs o tla tshwarella diphihlellong tsa sehla se fitileng?

Sebapadi sena se kene se tswa bankeng karolong ya bobedi ya papadi moo a keneng le hoba le seabo se seholo.

Mofokeng o bapetse dipapadi tse mmalwa fela ho Saint-Gilloise tsa ho itukisetsa sehla mme papadi ena ke ya hae ya pele ya bohlokwa eo ka yona a bang le seabo se seholo.

BALA: Selekane sa Hugo Broos le Bafana Bafana se fihla pheletsong