Ntlha ya Magaia o kgutlisa tshepo ya mohope wa lefatshe
Ntlha ya sebapadi sa Banyana Banyana Hildah Magaia e kgutlisitse tshepo ya Afrika Borwa ya ho bapala mohopeng wa lefatshe.
Sena ka mora hore Banyana Banyana ba bapele maleka a 2 – 2 le Ivory Coast papading ya bobedi ya mohope wa WAFCON.
Sehlopha se setse ka papadi e le nngwe eo ba lokelang ho e hapa ka dintlha tse ngata hoba monyetleng wa ho fetela mokgahlelong o latelang wa dipapadi.
BALA: Mofokeng o hapa mohope wa pele le Royale Union Saint-Gilloise
Dihlopha tse nne tse tla bapala dipapadi tse tlsng pele ho makgaolakgang, ditla fumana monyetla wa ho bapala le ho emela Afrika mohopeng wa lefatshe wa basadi.
Banyana Banyana, ba tlamehile maoto le matsoho ho hlola Burkina Faso ka labobedi ho fetela dipapading tsa di’quarter-final.
Sehlopha setla hloka hore Ivory Coast e hlole Tanzania hore ba fumane monyetla wa ho fetela pele. E bang Tanzania le Ivory Coast dibapala maleka, leeto la Afrika Boroa letla fihla pheletsong.
BALA: Ebe mokwetlisi wa Chiefs o tla tshwarella diphihlellong tsa sehla se fitileng?
