Mokwetlisi Alexandre Lafitte o etsa nalane ho PSL
Mokwetlisi wa sehlopha sa Marumo Gallants Alexandre Laffite, o entse nalane mafelo a beke ha ane a hlola Golden Arrows ho leba papading ya makgaolakgang a Carling Knockout.
Gallants e hlotse Arrows ka thaho ya mekoko (4 – 2) ka mora papadi e bileng monate le ha e bapetse maleka a (2 – 2).
Laffite ya dilemo di 28, ke mokwetlisi ya monyenyane ka ho fitisisa ho PSL mme jwale ke mokwetlisi ya tla bapala ho makgaolakgang a Carling Knockout la ka 6 Tshitwe.
Letswallwa lena la France, le fihlile ho Gallants ho hlahlama eo a tla tobana le yena ho makgaolakgang Abdeslam Ouaddou, ya kwetlisang Orlando Pirates.
Laffite ya nang le UEFA Pro License, o se a kile a bapala le Ouaddou papading ya bobedi ya sehla ho Betway, moo Laffite a kgwathisitseng Ouaddou ka ntlha tse pedi ho e le nngwe (2 – 1).
Mokwetlisi enwa ke yena a monyane ka ho fitisisa ho kwetlisa ho PSL mme ke yena a monyane ka ho fitisisa ho fihla dipapading tsa makgaolakgang a mohope.
Pele a tla leba ho Gallants, Laffite o hapetse sehlopha sa Stade d’Abidjan ya Ivory Coast leki (league title) lekgetlo la pele dilemong tse 56.
Papadi ya Gallants e latelang e tlaba kgahlano le sehlopha sa Sekhukhune United kala 22 Pudungwane moo Sekhukhune e tlaba sona baeti. Papadi ena e tla thakgoha ka hora ya botshelela thapama.
BALA HAPE:
Gallants e hlotse Arrows ho tobana le Pirates ho makgaolakgang
