Moya ke wa dibapadi tsa MTN8

Kajeno tangtang e tla kgangwa ke lerole ha dihlopha tse nne ditlabe di nkana kgikgitha hose ngwana motle lepatlelong.

Mamelodi Sundowns e tla thulana le Orlando Pirates ha Sekhukhune United setla amohela Stellenbosch FC.

Dipapadi tsena, ke tsa leoto la bobedi la dipapadi tse tlang pele ho makgaolakgang (semi-finals) tsa mohope wa MTN8.

Leotong la pele Sundowns e ne e etetse Pirates lebaleng la Orlando mme ke moo re boneng dihlopha ditshabana bophatswa ka ntlha sehlopha ka seng (1 – 1).

Sekhukhune se ne se etetse Stellenbosch, ha baamohedi ba baeti batla feta mohalotso ka ntlha tse pedi ho noto (2 – 0) lebaleng la Danie Craven.

Kajeno Pirates eo e leng batshireletsi ba sekola, e tla etela Sundowns lebaleng la Lucas Moripe ka tshepo ya ho hapa le ho fetela ho makgaolakgang lekgetlo la bone ka tatellano.

Dipapading tsa moraorao tsa mehope, Sundowns entse e sa bapale hantle kgahlano le Pirates mme mahlo a tlabe a shebile e bang sena setla tswelapele. Papadi ena e tla thakgoha ka hora ya boraro thapama (15:00).

Papading engwe, Stellenbosch e monyetlang ka ntlha tse pedi, etla etela Sekhukhune lebaleng la Peter Mokaba le ho leka ho fetala ho makgaolakgang lekgetlo la bobedi ka tatellano.

Dihlopha tsena ha dina nalane e kalo dipapading tsa mehope mme ena nako ke yona ya ho ngola nalane. Papadi ena e tla thakgoha ka hora ya botshelela (18:00).

BALA HAPE: sundowns-e-batla-mudau-a-dule