Ndamane o hlalosa lebaka la ho kgetha Sundowns

Setlabotjha sa lebota la morao sehlopheng sa Mamelodi Sundowns Khulumani Ndamane, o hlalositse lebaka la ho kgetha Sundowns dihlopheng tsohle tse bontshitseng kgahlaho ho yena.

Ndamane eo e leng ntshetso pele ya Kaizer Chiefs, o lebile ho TS Galaxy moo a itshupileng pele dihlopha dimatha sa leheshane ho fumana ditshebeletso tsa hae.

Sundowns, e bile yona e tlolang matjato a masesane le ho tibisa letsoho ho lefa bakeng sa ho fumana sebapadi seo ha jwale e leng sa tse ding tsa mantlha sehlopheng.

Ha a bua pele ho papadi e kgolo ya moqebelo kgahlono le Esperance de Tunis, Ndamane o hlalositse ha ho bapala dipapadi tsa boemo bo hodimo e le le leng la mabaka a qeto ya ho leba Chloorkop.

“Ke ne ke batla ho bapala dipapadi tsa boemo bo hodimo ke ka hoo ke tlileng ho Mamelodi Sundowns,” ho realo Ndamane.

“Ke batla ho hola, ke ka hoo ke tliling kwano [ho Sundowns].”

Ndamane o dumetse hore diphepetso diteng le hoba ngata lehlakoreng la hae jwalo ka ha a qala ho bapala boemong ba Sundowns moo dipapadi ditlang dile ngata ka nako e kgutswane.

“Ho sale thata ka lehlakoreng laka jwalo ka ha e le dipapadi tsa ka tsa pele tsa CAF Champions League empa ha nako e tse e tsamaya ke tla ithuta le ho  tlwaela makgulo.”

Tebello ke ho bona e bang Ndamane e tlaba karolo ya sehlopha setla qala le papadi ka mora hore Grant Kekana a bone karete e kgubedu papading e fitileng.

Sundowns e tla nkana le Esperance papading e matla ka moqebelo. Mohlodi wa papadi eo o tla fetela papading ya makgaolakgang mme Sundowns e tla kena papading eo ka ketapele ya ntlha [1 goal lead].

BALA HAPE: Hunt o lemosa ka kotsi ya sehlopha se qetang ho arohana le mokwetlisi