Orbit e tswelapele ho batlana le lebala la papadi e kwalang sehla
Sehlopha se makgatheng a lefu sa Orbit Orbit College, se tsibisitse ha se fetola qeto ya sona ya ho lebisa papadi ya bona ya ho qetela ya sehla lebaleng la Royal Bafokeng.
Sena ka mora ho tsibiswe ha papadi e ke ke ya bapalla lebaleng leo ka tlasa mabaka a sa hlaloswang.
Orbit, e dutse bobeng tafoleng ya dihlopha ho Betway Premiership mme e hloka dintlha ho tloha moo le ho phonyoha selepe sa ho kgutlela ho Motsepe Foundation Championship.
BALA: SAFA e etsa tshepiso ka tshebediso ya VAR
Sehlopha sena seo e leng sona kemedi ya North West, se bile le mathata a mabala sehla kaofela moo se bapalletseng tse ding tsa dipapadi tsa bona tsa Gauteng, Limpopo le Eastern Cape.
Orbit e tla amohela Orlando Pirates bakeng sa papadi ya ho qetela ya sehla kala 23 Motsheanong mme sehlopha se batlana le lebala leo batla bapalla papadi eo ho lona ka mora ho nyopa ha merero ya ho leba Royal Bafokeng.
Tebello ke hore sehlopha setla phatlalatsa lebala ka labohlano [15 Motsheano] e le ho fana ka monyetla ho batshehetse ho itukisetsa papadi e kanna yaba yona eo hotla a jwa mohope e bang Pirates e ka hapa dipapadi tsa bona tse setseng.
