Junior Khanye o bapisa sehla sa Ben Youssef, Kaze le Nabi
Mohlophulli wa papadi ya bolo lesedinyaneng la iDiski TV e bile e le sebapadi sa mehleng sa Kaizer Chiefs Junior Khanye, o bapisitse sehla se hodimo sa dipapadi le sehla se fitileng moo Chiefs e neng e kwetliswa ke Nasreddine Nabi.
Khanye o entse sena jwalo ka ha sehla setla fihla pheletsong mme Chiefs e tla qeta e le dihlopheng tse tharo tse ka hodimo lekgetlo la pele ka mora dilemo tse feteng hlano.
“Hare bua nnete, sehla sena se bile hantle ho feta se fitileng,” ho realo Khanye.
“Bakwetlisi ka bobedi le dibapadi ba sebeditse ka thata papisong le sehla se fitileng. Ha jwale ba dutse boemong ba boraromme batla bapala ho CAF Confederation Cup sehleng setlang.”
BALA: Orbit e tswelapele ho batlana le lebala la papadi e kwalang sehla
Khanye o hlalositse ha Khalil Ben Youssef le Cedric Kaze, ba e ntse mosebetsi o kgabane papiso le Nabi ya hlotsweng ke ho kenya sehlopha dihlopheng tse 8 tse ka hodimo.
Chiefs e qetile sehla se fitileng e dutse boemong ba 9 ka dintlha tse 32.
2024/25 Chiefs Stats:
28 Matches
8 Wins
8 Draws
12 Defeats
Position: 9
Le ha hole jwalo Nabi o ile a hapela sehlopha mohope wa Nedbank le ho siya sehlopha ka monyetla wa ho bapala Confederations Cup le ha sehlopha sesa kena dihlopheng tse 8 tse ka hodimo.
Khanye o boetse a babatsa sethithibane le mokaptene wa sehlopha Brandon Petersen ya tswileng tjaro ya mabonwa le ho thusa sehlopha ho hapa dipapadi basa hlajwa ntlha.
Petersen o bapetse dipapadi tse 23 sehleng sena mme a bapala tse 14 ntle le ho hlajwa ntlha. Ke sethithibane sa bobedi ka mora Sipho Chaine [19 cleansheet] ya bapetseng ka bokgabane ka ho fitisisa.
