Orlando Pirates e fetela ho makgaolakgang

Sehlopha sa Orlando Pirates se hlola sa Mamelodi Sundowns thahong ya mekoko (4 – 1) ho fetela papadi ya makgaolakgang a MTN8 lekgetlo la bone ka tatellano.

Pirates, e ne e etetse Sundowns lebaleng la Lucas Moripe e le papadi ya leoto la bobedi la papadi pele ho makgaolakgang (semi-final).

Sundowns, e hlabile ntlha karolong ya pele ya papadi ka leoto la Iqraam Rayners ho nka ketapele.

Papadi e ile kgefutsong Sundowns e eteletse pele ka ntlha ho noto (1 – 0). Karolong ya bobedi Pirates e entse diphetoho mme ka mora moo ba fumana ntlha ya ho lekanya (1 -0) ka leoto la KamogeloSebelebele.

Ntlha ya Sebelebele e thusitse Pirates ho leba thahong ya mekoko moo ba hlotseng Sundowns ka 4 – 1.

Thahong ya mekoko sethibathibane sa selemo sa Betway Sipho Chaine, o botshitse makgabane a hae ha a ne a thiba mekoko e mmedi le ho thusa Pirates ho fetela pele.

Pirates e hapile papadi ka tlholo ya 4 – 1 thahong ya mekoko ka mora hore dihlopha bobedi dibapale maleka a 1 – 1 ka lebaleng.

Sebelebele ya fihlang ho Pirates ho tswa ho TS Galaxy, o se a hlabile dintlha tse tharo dipapading tse tharo ka tatellano ho thusa Pirates ho bapala makela le ho hlola dipapadi.

Sebelebele ya tswileng tjaro ya mabonwa, o hapile kgau ya sebapadi sa letsatsi lekgetlo la boraro ka tatellano jwalo ka ha a tswelapele ho ipabola ka makgabane.

BALA HAPE: moya-ke-wa-dibapadi-tsa-mtn8