Sehlopha sa Stellenbosch se phetha nalane

Sehlopha sa Stellenbosch se phetha nalane ka ho fetela papading ya makgaolakgang ka mora ho hlola Sekhukhune ka palo-hare (aggregate) ya 3 – 1.

Stellenbosch, se hlotse Sekhukhune leotong la pele ka 2 – 0 le ho ipeha monyetleng ha ba leba papading ya leoto bobedi.

Papading ya bobedi e bapalletseng lebaleng la Peter Mokaba, dihlopha ka bobedi dibapetse maleka a 1 – 1 mme sena se bolela hore Stellenbosch se fetela pele ka ntlha tse tharo ho e lengwe (3 – 1).

Ntlha ya Stellenbosch, e hlajuwe ke Mthetheleli Mthiyane pele ho kgefutso, ha ntlha ya Sekhukhune e hlajuwe ke Siphesihle Mkhize ka mora kgefutso.

Sebapadi se Stellenbosch se hlabileng ntlha Mthiyane, e bile sona se ipabotseng ka makgabane le ho hapa kgau ya sebapadi sa letsatsi.

Stellenbosch se leba papading ya makgaolakgang lekgetlo la bobedi ka tatellano mme ke lekgetlo la pele sena se etsehala nalaneng ya sehlopha.

Sehleng se fitile Orlando Pirates e hlotse Stellenbosch hona ho makgaolakgang ka 3 – 1 e bile e le makgaolakgang a bona a pele mohopeng wa MTN8.

Ha jwale tebello e kgolo e tlaba ho utlwa hore dintlha tsa papadi ya makgaolakgang di eme jwang ha nalane e tla iphetha ha Orlando Pirates e tlabe e nkana kgikgitha le Stellenbosch FC.

BALA HAPE: moya-ke-wa-dibapadi-tsa-mtn8