Rhulani Mokwena o hlolwa papading ya pula madiboho

Sehlopha sa MC Alger ya Algeria, se hlotse papading ya bona ya pele dipapading tsa CAF Champions League ka 2 – 1 ke sehlopha sa Al Hilal Omdurman.

Alger, e ne e etetse Omdurman le balaeng la Al Hilal naheng ya Sudan e le papadi ya pula madiboho dipapading tsa CAF Champions sehleng sena.

Sehlopha sena se kwetliswang ke letswallwa la Afrika Boroa Rhulani Mokwena, se qadile papadi ka monyebe mme Omdurman ya sebedisa monyetla le ho hlaba ntlha metsotsong ya moletsaphala pele papadi e ya kgefutsong.

Alger, e kgutlile ka sekgahla karolo ya bobedi ya papadi ho lekanya dintlha le ka Mustafa Karshom wa Omdurman a itlhabile ka lerumo.

Motsotsong wa 75, Mohamed Abdelraham, o file baamohedi ba baeti ketapele le ho etsa bonnete ba hore Mokoena le sehlopha sa hae, ba kgutlela Algeria ntlhe le tlholo.

Alger, ke sehlopha sa pele sa ho hlolwa dipapading tsa mekgahlelo sehleng sena mme tlholo ena e ba beha boemong ba ho qetela sehlopheng se matla sa C.

Papadi e latelang ya Alger ho CAF, ke moo sehlopha sa mehleng sa Mokwena [Mamelodi Sundowns] setla eteleng Algeria ka la 28 Pudungwane.

Papading ena e tla bapalla lebaleng la Ali Pointe, Douera e bile le papadi ya bobedi ya dihlopha tsena ka ho fapana.

BALA HAPE: CAF e etsa lotho le ho ntsha dihlopha