Sebapadi se arohana le sehlopha mose ka menyenyetsi ya ho leba ho Chiefs

Sebapadi sa Afrika Boroa sa matjhabatjhaba se bapallang sehlopha sa Cypian Aris Limassol, se arohane le sehlopha jwalo ka ha menyenyetse ya ho leba ho Kaizer Chiefs e ntse e tota.

Mihlali Mayambela eo e leng sebapadi sa Bafana Bafana, o arohana le sehlopha sa Aris dikgwedi tse tsheletseng pele tumellano ya hae ya sethathong le Aris e fihla pheletsong.

Sebapadi sena se dilemo di 29, se batlowe ke Chiefs nako e lelele le ha Amakhosi e hlokile katleho ya ho mofumana mme dikgwedi tse fitileng, Mayambela o ile a botswa ka taba ya ho leba ho Chiefs mme a hlalosa le yena a ka thabela ho apara mebala ya Amakhosi ka le leng.

Monyane enwa wa Mark Mayambela, o se a bapetse dipapadi tse fetang 120 sehlopheng sena mme a ba le seabo dintlheng tse 24 (19 goals/15 assists).

Hoya ka lengolo la sehlopha, Mayambela le Aris ba fihleletse tumellano ya ho fedisa botho ba sebapadi sehlopheng hang hang (mutual termination of its agreement).

Le ha ho utlwahala menyenyetsi ya Chiefs, ho utlwahala ha sehlopha se seong sa Omnia Nicosia ya hona Cyprus ena le kgahleho e kgolo ditshebeletsong tsa sebadi sena se hlaselang ka lepheong (winger).

Karohano ya Mayambela le Aris, e tla matsatsi ka mora hore sebapadi sa Mamelodi Sundowns Thapelo Maseko a lebe naheng eo sehlopheng sa AEL Limassol ka kadimo ya ho fihlela sehla se fihla pheletsong.

BALA HAPE: Ntlha ya Lilepo e beha Amakhosi botleng lebelong la ho hapa sehla