Stellies se phatlalatsa tekeno ya sebapadi sa mehleng sa Pirates

Sehlopha sa Stellenbosch se phatlaladitse ho tekenwa ha sebapadi sa mehleng sa Orlando Pirates sa leboteng la morao.

Stellies, se tekene Olisa Ndah ya ikwetlisitseng le sehlopha dibekeng tse fitileng e le ha sehlopha sene se etsa ditekolo pele ba ka nka qeto.

Ndah, o arohane le Pirates e le qeto e neng e sa lebellwa ka mora hore a qete nako e ngata a ntse a oka dikotsi.

Stellies, se entse phatlalatso le ho hlalosa ha Ndah e le sebapadi sa boemo bo hodimo setla tlisa boiphihlelo sehlopheng.

“Olisa ke sebapadi sa boemo bo hodimo se nang le boiphihlelo mme re thabetse ho moamohela ho Stellenbosch FC,” ho realo CEO Rob Benadie.

Re ikemiseditse ka tekeno ya rona ho etsa bonnete ba hore sebapadi seo re se tekenang e ba karolo e nyalanang le sehlopha. Hoba le menyetla ya ho molekola ho re file tshepo ya hore o tla tlisa boleng sehlopheng sa rona.”

Stellenbosch se qadileng sehla ka monyebe, se tswile dipapading tsa kontinente mme batla tsepamisa maikutlo dipapading tsa Nedbank le Betway Premiership ka ho fapana.

Ndah ya tla apara nomoro ya 99, ke sebapadi sa bone se tswallang naheng ya Nigeria ho ka apara mebala ya Stellies mme kgonahalo e kgolo hore e kaba karolo ya sehlopha hase thumana le Magesi kala boraro [18 Hlakola].

BALA HAPE: CAF e tla etsa lotho kajeno Cairo