Kadodia o hlalosa ho tsamaya ha Middendorp ka tshohanyetso
Modulasetulo wa sehlopha sa Durban City Farouk Kadodia, o hlalositse ho tsamaya ha Ernst Middendorp jwalo ka Technical Director.
Middendorp o fihlile sehlopheng sa City ha sehla se hodimo se qala e leng nakong ya kgwedi tse tharo tse fitileng, ho sebetsa le sehlopha le mokwetlisi Gavin Hunt.
Kadodia o hlalositse ha Middendorp a ne a tletse hotlo thusa sehlopha hoba le botsitso ka mora hore sehlopha se phahamele ho Betway Premiership ka mora ho qeta selemo ho Motsepe Foundation Championship.
Puisanong le IDiski Times, Kadodia o hlalositse ha tumellano e ne e le ya dikgwedi tse tharo mme Middendorp a entse mosebetsi wa hae ka bokgabani.
“Mosebetsi o fedile, o ne a na le dikgwedi tse tharo mme o e ntse mosebetsi ka bokgabane,” ho realo Kadodia.
Kadodia o qeletse ka thoko menyenyetsi ya hore ha hona kutlwano dipakeng tsa mokwetlisi Hunt le Middendorp mme a hlalosa ha morero wa jwale e le ho qetela moo Middendorp a siyang teng.
“Ho tloha ha jwale re lokela ho ntshetsa pele moo a qetetseng le ho tswelapele ka mosebetsi.”
City ke se seng sa dihlopha tse qadileng sehla ka leoto le letle le ho makatsa batho jwalo ka ha batswa ho Motsepe Foundation.
BALA HAPE: Hunt o hlalositse qeto ya ho tekena Koapeng
