Adams: Re lokela ho lwana ka tsohle
Sebapadi sa Mamelodi Sundowns se ntseng se iphumana se hlalositse ha papadi ya ka moqebelo e le eo ba lokelang ho lwana ka tsohle.
Sundowns e tla kena papadi e mahlonoko e sentse e baka ditaba pele e bapala kgahlano le MC Alger ya Algeria.
Alger, e kwetliswa ke mokwetlisi wa mehleng wa Sundowns Rulani Mokwena ya tlaltla Afrika Boroa lekgetlo la pele le sehlopha sa Alger.
Sundowns e tlasa kgatello ya hotswa ka ditlha tse tharo ha Alger e hloka ho bapala maleka ho fetela pele.
Adams o hlalositse ha balokela ho itukisa ho tlala seatla le ho itukisa papadi.
“Re lokela ho lwana ka tsohle, re lokela ho hapa papadi eo mme boitukiso ba yona bo lokela hoba matla haholo,” ho realo Adams.
Adams ke yena a hlabetseng Sundowns ntlha ya ho lekanya kgahlano le St Eloi Lupopo (1 – 1) mafelong a beke a fitileng.
Sebapadi sena se bohana se tsohile molota ka mora ho fetwa ke dipapadi tse mmalwa mme dipapading tsa hae tse pedi e hlabile ntlha le ho thuseng ntlheng kgahlano le Gomora United mohopeng wa Nedbank.
BALA HAPE: Kaizer Chiefs e phatlalatsa batshehetsi ba batjha
