Broos o lla ka tlatlapo ya karete e kgubedu
Ka mora hore sehlopha sa hae se hlolwe ka ntlha tse pedi ho noto [2 – 0] papading ya pele le ho fumana dikarete tse pedi tse kgubedu, mokwetlisi wa Bafana Bafana Hugo Broos o llile ka karete ya bobedi e kgubedu.
Broos o hlalositse ha karete e fumanweng ke Themba Zwane e bile le tshekamelo ho latela hore sebapadi sa Mexico ke sona se latileng Zwane le ho moema ka pele.
“Karete ya pele ya Sithole nkase bue ka yona hakalo,” ho realo Broos.
“Karete ya bobedi ke dumela ha sebapadi sa Mexico e bile sona se phoso empa moletsaphala o nkile qeto ka tsela ya hae.”
BALA: Raja Club Athletic e nyaola Davids pele sehla se fela
Broos ya utlwahetseng a tshwara a tlohela, o hlalositse ha sehlopha se bapetse hantle empa a boela a hlalosa ha ho bile le mathata mona le mane.
“Ke bomadimabe hore re qetile papadi ka dibapadi tse haelang ka lebaleng.”
Sehlopha setla fumana beke ho itukisetsa papadi ya bobedi kgahlano le Czechia e hlotsweng ke South Korea ka 2 – 1.
Afrika Boroa e tla lokela ho hapa papadi eo ho qoba ho kgutlela lapeng pele ho dihlopha tse ding.
