Cardoso o kopa mamello, kutlwisiso le tshehetso ho balatedi ba sehlopha

Mokwetlisi wa Mamelodi Sundowns Miguel Cardoso, o kopile mamello, kutlisiso le tshehetso ho batshehetsi ba sehlopha.

Cardoso o buile sena moo a neng a hlalosa ha bokwetlisi botla qala ho fetola sehlopha kgafetsa ho latela dipapadi tse leshongwa ka nako e kgutshwane.

Nka rata ha batshehetsi ba sehlopha ba ka utlwisisa le ho tshehetsa diqeto tsa bokwetlisi ba sehlopha mona le mane,” ho realo Cardoso.

“E tlo hlaka hore re leka ho laola sehlopha le ho leka ho bona hore bohle ba maemong a hantle ka dinako tsohle.”

Sundowns e ka hodimo tafoleng ya dihlopha ho Betway Premiership, e satswa hapa MTN8 mme e tla bapala dipapadi tsa kontinente mafelo a beke.

Sehlopha setla tobana le Marumo Gallants mohopeng wa Carling Knockout le ha e le hona PSL e tla tsibisa dinako le matsatsi a dipapadi.