Dibapadi tse tharo tsa Pirates dikgutla ho okeng dikotsi

Sehlopha sa Orlando Pirates se tsibisitse ha dibapadi tsa bona tse tharo tse neng dioka dikotsi e kaba karolo ya sehlopha kgahlano le Chippa United.

Pirates e tsibisitse ha Sihle Nduli, Olisa Ndah le Makhehleni Makhaula, bale boemong ba ho ka bapala ka mora ho fetwa ke dibapadi tse leshongwana.

Nda, o qetetse ho bapala sehla se fitileng ka kgwedi ya Hlakola moo a ileng a itlhaba ka lerumo kgahlano le Kaizer Chiefs.

Makhaula eo e bileng sebapadi sa mpeng ya lebala sa selemo, le yena ha a so bapale sehleng sena ka mora ho lemala sehleng se fitileng.

Nduli, o lemetse pele papading e tlang pele ho makgaolakgang ya mohope wa Carling Knockout kgahlano le Richards Bay.

Pirates e netefaditse ha boraro bona bo kaba malala-a-laotswe bakeng sa papadi ya Betway Premiership mme batshehetse ba kanna ba qala ho bona Nda le Makhaula lekgetlo la pele sehleng sena.

‘The Buccaneers’, ba morao ka dipapadi papisong le sehlopha se ka hodimo sa Mamelodi Sundowns. E bang Pirates e ka hapa kgahlano le Chippa, batla lekana le Sundowns ka dintlha tse 25 le hoba morao ka papadi e le nngwe.

Chippa e tla etela Pirates lebaleng la Orlando mme papadi eo e tla thakgoha ka 19:30 bosiu.

BALA HAPE: CAF e fana ka kahlolo nyeweng ya Pirates le Lupopo