Plaatjies o iketsetsa lebitso ka papadi ya pele

Sebapadi sa Stellenbosch FC se bapalang se hlasela Quwan Plaatjies, o iketseditse lebitso ka papadi ya pele.

Sena ka mora hore sebadi sena se hlabe dintlha tse tharo ka papadi ya hae ya pele le sehlopha se seholo sa Stellenbosch.

Plaatjies, o hlabile dintlha tsena ha Stellenbosch e ne e hlola Marumo Gallants ka 3 – 1 papading ya Betway Premiership e bapetseng bosiung ba labohlano la 14 Phato.

BALA: Monyane o ikgothatsa ka tshebetso ya sehla se fitileng

Lekejakejane lena le dilemo di 20 ke sebapadi se neng se bapala ntshetso peleng ya Stellenbosch sehleng se fitileng pele a fumana monyetla wa ho bapalla sehlopha se seholo.

Sebapadi sena ke sona sa pele nalaneng ya PSL ho hlaba dintlha tse tharo [hat trick] ka papadi ya hae ya pele mme ke yena a itlhommeng pele ka dintlha tse ngata ho PSL [3 goals].

BALA: Sebapadi sa Chiefs Inacio Miguel o re haba tshabe motho