Di’Proteas ditla qala dipapadi tsa boitukiso pele ho mohope wa lefatshe

Sehlopha sa naha papading ya krikete setla kena dipapading tse tharo tsa boitukiso kgahlano le West Indies.

Afrika Boroa, e tla amohela West Indie ka dipapadi tse tharo tsa mofuta o mokgutshwane wa papadi e le ho iktukisetsa dipapadi tsa mohope wa lefatshe kgwedi e tlang.

Tebello ke ho bona hore mokwetlisi Shukri Conrad, o tla sebedisa dibapadi tse tswang papading ya makgaolakgang e bileng dipakeng tsa Eastern Cape Sunrisers ke Pretoria Capitals.

Dibapadi tse fetang hlano tsa naha e bile karolo ya papadi eo ya makgaolakgang mme sebapadi se bitseditsweng morao sehlopheng sa naha Tristan Stubbs, e bile yena mokaptene wa mohlodi.

E nngwe ya dintho tse tla shejwa ka mahlo a tswileng dinameng ke boteng ba David Miller ya tlohetseng dipapadi tsa SA20 ka lebaka la kotsi.

Le ha ho tsibisitswe hore Miller a ke ke a bapala dipapading tsena, tebello ke ho bona e bang o tlaba teng le sehlopha jwalo ka ha a tla leba le sehlopha dipapading tsa mohope wa lefatshe.

Papadi ya pele ya tse tharo kgahlano le West Indies, e tla qala kajeno (Mantaha wa la 27 Pherekgong) mme e tla thakgoha ka 17:30 thapama.

BALA HAPE: Eastern Cape Sunrisers ke bompudi ba sehla sa bone