Ditlabotjha dihlolela Sundowns papadi kgahlano le Orbit College

Sebapadi seo e leng hona se fihlang sehlopheng sa Mamelodi Sundowns Brayan Leon Muniz, o thusitse sehlopha sa hae ho hlola papadi.

Leon, o hlabile ntlha ya tlholo ha Sundowns e ne e hlola Orbit College ka 2 – 0 lebaleng la Loftus Versfeld bosiu ba labobedi.

Papadi ena e bile ya pele ka mora kgefutso ya dipapadi tsa AFCON mme Sundowns e sebedisitse monyetla ho dula ka hodimo tafoleng ya dihlopha.

Le ha e hapile papadi, Sundowns e qadile papadi ka boholo ba dibapadi tseo e sa tlwaelwang e qala papadi ka tsona.

Hara dibapadi tse sa bonahalang, ke Khuliso Mudau eo menyenyetsi e ileng ya kuma a tla arohana le sehlopha le ho leba sehlopheng sa Orlando Pirates le ha hose netefaletso ya seo.

Lekejakejane Thato Sibiya, o fumane monyetla wa ho qala le papadi mme a amohela seo le ho thusa sehlopha ka ho thusetsa ntlheng e hlabuweng ke Leon ya keng a hlaha bankeng.

Sebapadi sena se dilemo di 19, e bile yena sebapadi sa letsatsi ka mora papadi ya hae e tswileng matsoho leboteng la morao.

Ka labohlano Sundowns e tla fetola mawa le ho kena papadi tsa kontinente kgahlano le sehlopha sa Al Hilal ya Sudan.

BALA HAPE: Morocco e hlahletse tletlebo ho FIFA kgahlano le Senegal