Esperance le AS FAR dihanela dihlopha tsa Egypt ho feta

Dihlopha tse pedi tsa Egypt Pyramids FC le Al Ahly, ditswile mokgahlelong wa pele wa mantshano dipapading tsa CAF Champions League.

Pyramids, e hlotswe ke AS FAR ya Morocco ka palohare ya 3 – 2. Pyramids e ne e amohetse AS FAR leotong la bobedi moo e hlotseng ka 2 – 1 ka mora ho bapala maleka a 1 – 1 leotong la pele.

Sehlopha sena sa Egypt, e ne e le batshireletsi ba sekola ka mora ho hlola Mamelodi Sundowns ho makgaolakgang.

Hona thapameng eo, sehlopha sa Esperance de Tunis ke ha se bontsha Al Ahly tosa le madinyane motsemoholo Cairo.

Esperance, e hlotse Al Ahly ka 3 – 2 ha leotong la pele ba ba hlotse ka 1 – 0 mme ka kakaretso Esperance e fetela pele ka palohare ya 4 – 2.

Hotswa ha Pyramids le Al Ahly pele ho papadi e tlang pele ho makgaolakgang (semi-final) ke nalane dilemong tse leshome.

Lekgetlo la ho qetela Egypt e sena kemedi dipapadi tse tlang pele ho makgaolakgang ke ka 2015 moo Al Ahly e tswileng ho tse 16.

Ha jwale mahlo a tla sheba dihlopha tse setseng hore ke se fe setla phamisa mohope le ho ngola lebitso la sona dibukeng tsa nalane.

Zamalek, ke sona fela sehlopha sa Egypt se ntseng se setse dipapading tsa kontinente ka mora hore le Al Masry e hlolwe ke CR Belouizdad ho CAF Confederation Cup.

BALA HAPE: Cardoso: Papadi ya bolo e re bontsha tse ka etsahalang ka mehla