Gallants e bapala ka menyetla ya ho fumana dintlha tse tharo
Sehlopha sa Marumo Gallants se bapetse maleka a 0 – 0 le Kruger United papading ya bona ya pele ya sehla.
Papadi ena e bapalletse lebaleng la Royal Bafokeng bosiung ba labobedi e bile e le papadi ya bobedi ya Kruger United ho Betway Premiership.
Gallants e bile le menyetla e leshongwa ho nka taolo ya papadi le ho hlaba ntlha, empa ba hlolwa ke ho e sebedisa.
Sehlopha se boetse sa fumana thaho ya mokoko pele papadi e leba kgefutsong empa sethibathibane sa Kruger sa thubela Ndabayithethwa Ndlondlo ho ngodisa ntlha.
Sebapadi sa Kruger United Thendo Mukumela, o bone karete e kgubedu ka mora ho fumana karete ya bobedi e tshehla metsotsong ya ho qetela ya papadi.
Papadi e fedile ka 0 – 0 moo dihlopha diarolelang ntlha mme Kruger e fumana ntlha ya bona ya pele ho Betway Premiership.
