Golden Arrows e tlabola Mamelodi Sundowns
Sehlopha Golden Arrows se bureditse le ho tlontlolla Mamelodi Sundowns ka ntlha e lengwe ho noto (1 – 0) lebaleng la King Zwelithini, KZN.
Sundowns e laotse papadi jwalo ka tlwaelo le ho etsa dineletsano tse ntle le ha ba saba le menyetla e mengata ya ho hlaba dintlha.
Arrows e hlabile ntlha ya bona karolong ya pele ya papadi ka Junior Dion le ho isa papadi kgefutsong ka ketapele.
Papadi e kgutlile kgefutsong mme Sundowns ya etsa diphetoho le ho kenya sebapadi sa bona se setjha Nuno Santos, ka tumelo ya ho thusa sehlopha ho fumana ntlha.
BALA HAPE: Hugo Broos o tsibisitse lenane la masole a 45
Papadi e fedile ka ntlha ho noto bakeng sa Arrows le ho fa masole a Manqoba Mngqithi ntlha tse tharo tsa bohlokwa kgahlano le basireletsi ba sekola.
‘Abafana Besthende’ ba kene papading ena ba inyeka maqeba ka mora ho hlolwa dipapading tse tharo ka tatellano mme papading ya ho qetela ba hlotswe ke Sekhukhune ka ntlha ho noto.
Sundowns e lahlehelwa lekgetlo la pele sehleng sena mme ba tswelapele ho dula boemong ba bobedi ka dintlha tse 18 ka mora sehlopha sa Sekhukhune United.
Arrows yona e nyolohela boemong ba borobedi ka ntlha tse 10 ka mora papadi tse robedi.
BALA HAPE: Mokwetlisi wa Sundowns o hlalosa taba ya Basadien
