Ho tloha ho CAF Confederation ho ya ho UEFA Champions League: McCarthy o phela toro

Sebapadi sa ntshetso ya Kaizer Chiefs Aden McCarthy, o tla bapala mokgahlelong wa bobedi [Group Stage] tsa mohope wa UEFA Champions League.

Sena ka mora hore sehlopha sa hae sa Sabah FK, se etse nalane ya ho feta mokgahlelong wa pele wa mohope ona [Preliminary stage].

Sabah, e hlotse papadi ya yona ya leoto la bobedi kgahlano le H Be’er Sheva ka 5 – 2 e leng palo-hare (aggregate) ya 6 – 4 ka mora ho hlolwa ka 2 – 1 papading ya leoto la pele.

McCarthy o ne a tla bapala ho CAF Confederation sehleng sena e bang a ne a sa leba mose moo a tla bapala ho UEFA Champions League.

Sebapadi sena se fumane monyetla wa ho bapala sehlopheng se seholo sehleng se fitileng ka mora hoba karolo ya sehlopha sa ntshetso pele [DDC] ya Chiefs.

Ho itshupa sehlopheng se seholo, e bile lona lebaka la McCarthy ho leba mose ka mora sehla se le seng a bapala boemong bo phahameng ba PSL.

Lotho ya dihlotshwana tse tla thula mokgahlelong ona, e tla etsa kajeno [27 Phato] mme McCarthy le Sabah batla tseba hore batla thulana le sehlopha se fe.

BALA: Sundowns e buretsa AmaZulu moketeng wa dintlha tse supileng