Lorch o haufi haholo le ho leba naheng ya Libya

Sebapadi sa mehleng sa Orlando Pirates le Mamelodi Sundowns Thembinkosi Lorch, o tla arohana le sehlopha sa hae sa Morocco ho leba naheng ya Libya.

Lorch, o fihleletse tumellano (personal agreement) le sehlopha sa Al Ittihad Tripoli ya Libya moo a tla kgola tjhelete e ballwang ho R1.2 million ka kgwedi.

Sebapadi sena se hlaselang se lebile sehlopheng sa Wydad Casablanca ka nako ya mokwetlisi Rulani Mokwena, e le kadimo hotswa ho Sundowns.

Ho ya ka Lorenz Kohler, Lorch o kene tumellano ya molomo le sehlopha sena le ha kopo ya ho fumana Lorch ho Wydad e le hona e tla etswa.

Tumellano ena, ke ya dilemo tse pedi le halefo (2½ years agreement).

Ditlaleho tsa pejana di ile tsa kuma ha Tripoli e na le thahasello ho Stephen Aziz Ki eo le yena e leng sebapadi sa Wydad mme hwa utlwahala ha sehlopha se ba batla bale babedi.

E bang tsohle dika tsamaya hantle Lorch a leba Libya, e tlaba sebapadi sa pele sa Afrika Boroa ho bapala naheng eo sehlopheng sa Al Ittihad Tripoli.

Le ha papadi ya bolo e se matla naheng ya Libya, Tripoli e dula e bapala dipapadi tsa Kontinente le ha e dula e fella mokgahlelong o qalang qa dipapadi.

BALA HAPE: Luxolo September o fanne ka tlaleho ya moraorao ya CAF