Modulasetulo wa Chiefs o theoleditse Jessica
Modulasetulo e bile e le mothehi wa sehlopha sa Kaizer Chiefs Dr. Kaizer Motaung, o theoleditse moradi wa hae ka mosebetsi wa hae o motjha mokgatlong o tsamaisang bolo lefatsheng.
Jessica o satswa thongwa hoba karolo ya ‘Stakeholders Committee’ sa FIFA moo e leng yena fela mo’Afrika Boroa le hoba ma’Afrika wa boraro ho bonkgetheng.
Dr. Motaung o hlalositse ha sena e le kananelo mesebetsi eo Jessica a ntseng a e etsa papading ya bolo kontinenteng.
Jessica ke Marketing and Commercial Director ya Chiefs mme ke motlatsa wa pele wa mo’presidente ho African Clubs Association (ACA).
Shintsha Guluva o hlalositse ha sena e le katleho e kgolo ho sehlopha, naha le kontinente ka ha Jessica o tlabe a diemetse boemong bo hodimo.
“Ke tlotla e kgolo ho rona jwalo ka sehlopha jwalo ka ha atla emela sehlopha, Afrika Boroa le Afrika ka bophara boemong bo hodimo ba bolo lefatsheng,” ho realo Dr. Motaung.
Dr. Motaung ha lebala ho leboha bohle ba tsamaisang bolo Afrika Boroa le kontinenteng moo Jessica a ntseng a tswelapele ho bontsha bokgoni.
“Ho bohlokwa ho leboha PSL tlasa Dr. Khoza, SAFA tlasa Dr. Jordaan ACA tlasa modulasetulo Hersi Said le botsamaisi ba bolo kontinenteng tlasa Dr. Motsepe ya fetotseng sebopeho sa mokgatlo.”
Dr Motaung o phethetse ka ho hlalosa ha batla tshehetsa Jessica a bile a dumela hore o tla etsa mosebetsi o tswileng matsoho jwalo ka ha ntse a etsa mesebetsing ya hae e meng.
BALA HAPE: Jessica Motaung o kena botsamaising ba FIFA
