Mokwena o hapa papadi ya pele ha Lorch a ipabola ka makgabane

Mokwetlisi ya motjha sehlopheng sa Al Ittihad Tripoli ya Libya e bile e le letswallwa la Afrika Boroa Rulani Mokwena, o hlapile papadi ya hae ya pele ya semmuso.

Mokwena o lebile ho Ittihad ka mora ho leboha mosebetsi sehlopheng sa MC Alger eo a hapileng mohope le yona le ho dula monyetlwng wa ho hapa sehla e le ha a sala sebabadi sa hae sa mehleng morao.

Ittihad e hlotse Abu Salim ka 4 – 1 mohopeng wa Libya [Libya Cup] moo sehlopha se hlabileng dintlha tse nne kaofela karolong ya pele ya papadi.

Sebapadi sa Afrika Boroa sa matjhabatjhaba Thembinkosi Lorch, e bile se seng sa dipapadi tse bapetseng ka bokgabane ka mora ho thusetsa ntlheng ya bobedi ya papadi le ho hlaba ntlha ya boraro ya sehlopha.

Lorch o se a hlabile dintlha tse tharo le ho thusetsa dintlheng tse pedi dipapading tse tsheletseng tseo a seng a dibapatse

Lorch Stats:

6 Games

2 Assists

3 Goals

Mokwena o ne a qala ho bapala papadi ya semmuso ka mora ho bapala dipapadi tse pedi naheng ya Morocco moo a hapileng e le nngwe le ho lahlehelwa ke e le nngwe.

Tshebetso ya mokwetlisi enwa wa mehleng wa Mamelodi Sundowns e tswelapele ho itshupa jwalo ka ha e le sehlopha sa boraro sa Afrika leboya seo a sebetsang le sona ka mora ho arohana le Sundowns.

Mokwena le sehlopha batla kena papading ya 13 ya sehla le ha e tlaba papadi ya Mokwena ya pele e le mokwetlisi kala 11 Mmesa kgahlano le Shabab Al Ghar.

Papading ena e tla thakgoha ka 19:00 ka nako ya kwano Afrika Boroa.

BALA HAPE: Aguirre o hlaha Afrika Boroa leseding ka ho manolla Czech Republic