Ntlha ya Ribeiro kgahlano le Dortmund e thongwa ho Puskas

Ntlha ya sebapadi sa mehleng sa Mamelodi Sundowns Lucas Ribeiro Costa, kgahlano le sehlopha sa Borussia Dortumnd e thontswe bakeng sa kgau ya Puskas.

Ribeiro, o ile a hlaba ntlha e ntle ka nako eo Sundowns e ne e thulane le dinatla tsa Germany mohopeng wa lefatshe wa dihlopha pejana selemong sena naheng ya America.

Le ha Sundowns e ile ya hlolwa ke Dortmund ka 4 – 3, ntlha ya Ribeiro le tsela eo Sundowns e bapetseng ka yona, ke tse ding tsa dintho tseo ho tla dula ho bua ka tsona.

Ribeiro eo ha jwale a bapalang naheng ya Spain, sehlopheng sa Cultural y Deportiva Leonesa, o ile a hlaba ntlha e ntle kgahlano le Dortmund a hlaha karolong ya habo ya lebala ka bolo ho fihla mekwallong ya badireng moo a hlabileng ntlha.

Letswallwa lena la Brazil le thontswe le dibapadi tse jwalo ka Lamine Yamal wa Barcelona (Espanyol vs Barcelona), Declan Rice wa Arsenal (Real Madrid vs Arsenal) le ba bang ba bangata.

Ribeiro o tsamaile Afrika Boroa e le sabapadi sa selemo ka mora ho ba le sehla se monate moo a habileng dintlha tse 20 le ho thusetsa dintlheng tse 15 dipapading tse 46 mehopeng kaofela.

Ka kakaretso Ribeiro o hlabile dintlha tse 37, a thusetsa ho tse 23 dipapading tse 88 mme a hapa mehope e meraro (Betway Premiership x2) le mohope wa African Football League.

BALA HAPE: Miguel Cardoso o bua ka Ribeiro le Mudau