Papadi e dikgoka ya Sundowns le Chiefs e robatsa dibapadi bookelong
Papadi e neng e tletse dikgoka ya Mamelodi Sundowns le Kaizer Chiefs, e robaditse dibapadi tse pedi bookelong ka mora ho bapalwa hampe.
Papadi ena e fedileng ka maleka a 1 – 1, e bile papadi e tletseng dikgoka moo dibapadi mahlakore bobedi dibapetseng ka matla le ho lematsa tse ding tsa dibapadi.
Diphoso (fouls) tse bileng papading ena e bile tse 30, hwatswa le dikarete tse 7 (7 yellow cards) le karete e le nngwe e kgubedu.
Keanu Cupido wa Mamelodi Sundowns le Mduduzi Shabalala, ba tswile ka lebaleng ba jerwe ke ba thuso ya pele ka mora ho bapalwa hampe.
BALA HAPE: Sekhukhune se romela molaetsa ho Chiefs le Amazulu ka ho hlola Chippa
Cupido, o bapetswe hampe ke Siphesihle Ndlovu ya bontshitsweng karete e tshehla mme ho utlwahale ha Cupido a lemetse lehetla (Fractured collarbone).
Ka lehlakoreng le leng Shabalala o bapetsweng hampe ke Jayden Adam eo ha mmamorao a tswileng ka lebaleng ka karete e kgubedu.
Ho ya ka ditlaleho, Shabalala o lemetse lehetla (Dislocated shoulder) mme ka bobedi ba bona ho bonahala batla fetwa ke dipapadi tse setseng tsa dihlopha tsa bona.
Sundowns e setse ka dipapadi tse pedi le tse pedi tsa makgaolakgang a CAF Champions League, ha Chiefs e setse ka dipapadi tse tharo pele sehla se fihla pheletsong.
