Sekhukhune se romela molaetsa ho Chiefs le Amazulu ka ho hlola Chippa
Sehlopha se satswa arohana le mokwetlisi wa sona dibekeng tse fitileng sa Sekhukhune United, se rometse molaetsa o matla dihlpheng tse pedi tse tsekang boemong ba boraro ho Betway Premiership.
Sena ka mora hore Babina Noko ba hlole Chippa United papading e bapetseng laboraro motsheare ka mora ho tloswa letsatsing la yona ka lebaka la maemo a mabe a lehodimo.
Sekhukhune, se hlotse Chippa ka 3 – 1 le ho nka boemo ba bone ho AmaZulu ka mora sehlopha sa Kaizer Chiefs se dutseng borarong.
Dintlha tsa Sekhukhune dikene ka Tshepho Mashiloane, Olerato Mandi le Bright Ndlovu ha ntlha ya Chippa e kene ka Azola Matrose. Mashiloane, o bile le seabo dintlheng tsa Sekhukhune ka boraro ba tsona mme e bile yana sebapadi sa letsatsi.
BALA HAPE: Chaine o ngola nalane e ntjha ya dithibathibane sehlopheng sa Pirates
Sekhukhune se lebelong la ho fumana maemo a boraro a tla bafa monyetla wa ho bapala dipapadi tsa kontinente tsa CAF Confederation Cup sehleng setlang.
Le ha hole jwalo, sehlopha se morao ka dintlha tse 5 ho sehlopha se sentse se dutse boemong boo sa Chiefs, mme Chiefs e morao ka papadi e tla bapalwa kgahlano le Mamelodi Sundowns.
Ka ho le leng, Amazulu le yona e batla ho ipona e dutse boemong boo mme batla tseba karabo ya bona ka mora papadi eo batla e bapala kgahlano le sehlopha sa Golden Arrows.
BALA HAPE: Makgopa le Maswanganyi ba thusa Pirates ho beha Sundowns mangole
