Chippa e nyaola mokwetlisi ho setse dipapadi tse tharo

Sehlopha se ntseng se tetebala sa Chippa United, se arohane le mokwetlisi wa sona Vusumuzi Vilakazi.

Chippa e hlotswe ke Sekhukhune papading ya moraorao ka 3 – 1 mme ka mora papadi eo, monga sehlopha Chippa Mpengesi, ke ha a bontsha Vilakazi monyako le ho tsibisa ha motlatsi wa hae tla tshwara marapo.

Vilakazi ya kwetlisitseng dipapadi tse 18, o kena lenaneng la bakwetlisi ba babedi [Sinethemba Badela le Luc Eymael] ba tlileng pele ho yena ba ileng ba nyaolwa sehlopheng.

BALA HAPE: Sekhukhune se romela molaetsa ho Chiefs le Amazulu ka ho hlola Chippa

Sehlopha se setse ka dipapadi tse tharo pele sehla se fihla pheletsong mme se dutse boemong ba 13.

Ka mora dipapadi tse 27, Chippa e bokeleditse dintlha tse 24.

27 Matches
5 Wins
9 Draws
13 Defeats
24 Points collected

Dipapadi tse setseng tsa Chippa:

vs TS Galaxy — 9 May 2026
vs Golden Arrows — 16 May 2026
vs Kaizer Chiefs — 23 May 2026

BALA HAPE: Papadi e dikgoka ya Sundowns le Chiefs e robatsa dibapadi bookelong