Pirates e etsa nalane ka ho hlola Carling All Stars

Sehlopha sa Orlando Pirates se entse nalane ya hoba sehlopha sa pele sa ho hlola Carling All Stars ka mora hore tlhodisano ena e fetole sebopeho.

Pirates e hlotse All Stars ka 2 – 0 papading e bapetseng thapameng ya moqebelo lebaleng la Moses Mabhida.

Mosole a mokwetlisi Abdeslam Ouaddou, a entse se hlotseng dihlopha tse ngata tse hapileng mohope wa Carling Knockout ho qetela mosebetsi ka ho hlola Carling All Stars.

Dintlha tsa Pirates, dikene karolong ya bobedi ya papadi ka mora hore karolo ya pele e fele ka maleka a 0 – 0.

All Stars e neng e thehilwe ka dibapadi tsa dihlopha tse fapaneng, e laotse papadi karolong ya pele empa ya hlolwa ke ho hlaba ntlha le ho hanelwa ka thaho ya mokoko.

Dintlha tsa Pirates, dikene ka Sifiso Luthuli le Boitumelo Radiopane. Bobedi dibapadi tsena dikene dihlaha bankeng ho hapela Pirates papadi.

Mokaptene wa letsatsi Deon Hotto, e bile yena sebapadi sa letsatsi ka mora papadi e tswileng matsoho le ho thusetsa ntleng ya Luthuli.

Pirates ke sona fela sehlopha se seng se hapile mehope sehleng sena mme ba se ba hapile mehope e meraro ho hlano eo ba ka kgonang ho e hapa.

Ouaddou, o tswelapele ho ingola nalane ya hae jwalo ka mokwetlisi wa Orlando Pirates ka sehla sa hae sa pele a tshwere marapo.

BALA HAPE: Pirates e hlotse Gallants ho ikgapela bompudi ba Carling Knockout