Pirates e nka ketapele ya Betway Premiership
Sehlopha sa Orlando Pirates, se hlwelletse ka hodimo-dimo tafoleng ya dihlopha ho Betway Premiership ka mora ho hlola Amazulu ka 2 – 0 lebaleng la Moses Mabhida ka labobedi bosiu.
Pirates, e ne e etetse Usuthu e leng moo ba iphetetseng mohwalotso ho ikgapela dintlha tse tharo le ho kokomala se maratswana ho theola Mamelodi Sundowns.
The Buccaneers ba kene papading ena ka moya o phahameng ma mora ho hlola Sekhukhune ka 2 – 0 le ho dula boemong ba bobedi.
Dintlha tsa Pirates, dikene dikaronlong tse pedi tsa papadi. Ntlha ya pele e kene ka Relebohile Mofokeng ya sa batleng ho bona letanta morao tjena.
Ntlha ya bobedi e bile e bile e le ya tlholo e kene ka sethibathibane sa Usuthu e le bolo e rometsweng ke Mofokeng mme ya otla palo pele e thula sethibathibane ls ho kena ka letanteng.
Pirates, e butse sekgeo sa dintlha tse tharo ka hodima Mamelodi Sundowns mme bobedi dihlopha dibapetse dipapadi tse lekanang.
Mofokeng, e bile yena sebapadi sa letsatsi ka mora papadi e tswileng metsotso mme ke kgau ya bobedi ka tatellano ya sebapadi sa letsatsi ka lekejakejane lena.
