Pirates le Sundowns ditshabana bophatswa

Sehlopha sa Orlando Pirates le Mamelodi Sundowns di bapala maleka a 1 – 1 leotong la pele la tse nne tsa ho qetela ho MTN8 (quarterfinal).

Pirates e ne e amohetse Sundowns lebaleng la Orlando moo papadi e bileng ya dikarolo tse pedi ka ho lekana.

Baeti, Mamelodi Sundowns ba ipabotse ka makgabane karolong ya pele ya papadi mme ba bafuna ntlha. Mmapalahare, Teboho Mokoena o hlabile ntlha ya Sundowns e keneng e le huku hofa sehlopha sa hae ketapele.

Papadi e ile kgefutsong Sundowns e teletse papadi pele ka (1 -0) ebile e bontsha maikemisetso papisong le Pirates.

Karolong ya bobedi, Pirates e kgutlile e le mafufutha le ho bontsha tjheseho ya ho lekanya dintlha. Ka mora ho etsa diphetoho tse tharo, Pirates e ile ya bontsha sefutho le ho isa ntwa ho Sundowns.

Metsotsong ya ho qetela ya papadi, Setlabotjha Kamogelo Sebelebele o hlabile ntlha e lekanyang le ho kgutlisa tshepo (1 – 1).

Sebapadi sa Mamelodi Sundowns, Zuko Mdunyelwa e bile yena sebapadi sa letsatsi papading eo eneng e le matla.

Sundowns e tla amohela Pirates papading ya leotong bobedi moo retla tseba hore ke mang a feteng makgaolakgang. Papadi ena e tla bapala ka moqebelo wa la 23 Phato lebaleng la Lucas Masterpieces Moripe.

BALA HAPE: ouaddou-o-re-batshehetse-ba-be-le-pelo