Shabalala o tlosa dinepe tsa Chiefs leqepheng la hae la Instagram

Bokamoso ba sebapadi sa Kaizer Chiefs Mduduzi Shabalala bo bonahala bo hloka botsitso sehlopheng moo hosa hlakang e bang sebapadi sena se tla tswelapele le sehlopha kapa tjhe.

Sena ka mora hore sebapadi se tlositse dinepe tsa hae a apere mebala ya sehlopha leqepheng la hae la Instagram.

Sebapadi sena se kene ditumellano [contract] ya professional le Chiefs ka 2022 eo ditlaleho dikummeng e le ya dilemo tse tharo.

Le ha hole jwalo, sebapadi sena se tswetse pele ho bapala sehleng se fitileng le ha sehlopha se sa phatlatsa tumellano e ntjha mahlakore bobedi.

Ho tlosa dinepe ha Shabalala, ho tlisa dipotso tse ngata ka bokamoso ba sebapadi sehlopheng haholo ka nako eo sehla se setseng ka dihore pele se thakgoha.