Stellies se tsoha mahlabeng ka batshireletsi ba sekola

Sehlopha sa Stellenbosch FC tlasa bokwetlisi ba Gavin Hunt, se makaditse batshireletsi ba sekola ka ho ba hlola ka 2 – 1 mohopeng wa Nedbank.

Chiefs, e ne e etetse Stellenbosch lebaleng la DHL e le papadi ya pele ya mantshano mohopeng oo Chiefs eo hapileng sehleng se fitileng.

Dintlha tsa Stellies, dikene karolo ya pele ya papadi ka Ibrahim Jabaar (penalty) le Devin Titus ho fa Stellenbosch ketapele.

Ntlha ya Chiefs, e kene karolong ya bobedi ya papadi ka Flavio Silva e le thaho ya mokoko.

Stellenbosch, se qala ho hlola Chiefs ka mora dipapadi tse 11 mme lekgetlo la ho qetela ba hlola Amakhosi ke ka selemo sa 2022.

Ka lehlakoreng le leng, Chiefs e ne e qala ho hlajwa ntlha le ho hlolwa selemong sena.

Lekgetlo la ho qetela Chiefs e hlajwa ntla ke ka papadi ya CAF Confederation Cup kgahlano le Zamalek (1 – 1) mme lekgetlo la ho qetela sehlopha se hlolwa ke hona mohopeng oo ke sehlola sa Al Masry ka 2 – 1.

Ka moqebelo dihlopha ka bobedi ditla bapala dipapadi tsa kontinente moo Chiefs e tla etelwa ke Al Masry ha Stellenbosch setla etela Otoho d’Oyo ya DR Congo.

Dipapadi tsena ka bobedi ditla thakgoha ka 15:00 mme dihlopha dihloka ho hapa hore dibe le monyetla wa ho fetela pele.

BALA HAPE: Hunt o babatsa bakwetlisi ba Chiefs pele ho papadi ya bona