Sundowns e feta ha bonolo ho Lupopo e dikgoka

Sehlopha sa Mamelodi Sundowns, se hlotse sehlopha sa St Eloi Lupopo ka 3 – 1 papading e bapalletseng lebaleng la Loftus Versfeld.

Sundowns, e ne e amohetse Lupopo e le papadi ya pele mokgahlelong wa dihlotshwana (group stages).

Dihlopha tsena dine diqala ho kopana nalaneng ya tsona le ha Lupopo e sa qale ho etela Afrika Boroa.

Sundowns, e hlabile ntlha motsotsong wa 4 wa papading ka Nuno Santos ya neng a sa batle ho utlwa letho la Lupopo.

Masandawana ba laola boholo ba papadi pele Lupopo e fumane ntlha ya ho lekanya pele papadi e leba kgefutsong ka Wanet Kashala.

Karolong ya bobedi ya papadi, Sundowns e kgutlile ditaelo dinwelelletse mme ba katela le ho qeta papadi.

Marcelo Allende, o hlabetse Sundowns ntlha ya bobedi pele Santos a kgutla ka ntlha ya hae ya bobedi.

Santos, e bile yena sebapadi sa letsatsi ka mora ntlha tse pedi le ho thusetsa ntlheng e hlajoweng ke Allende.

Ha jwale Sundowns e nkile boemo ba pele dihlopheng tse nnete ka ntlha (points) tse tharo mme ba latelwa ke Al Hilal Omdurman.

Papadi e lateng ya Sundowns, e tlaba kgahlano le sehlopha sa MC Alger ya Rhulani Mokwena e maqeba ka mora ho hlolwa ke Omdurman.

Alger e tla amohela Sundowns ka labohlano la 28 Pudungwane lebaleng la Ali Pointe, Douera. Papading ena tla thakgoha ka 21:00 bosiu ka nako ya Afrika Boroa.

BALA HAPE: Rhulani Mokwena o hlolwa papading ya pula madiboho