Temba Bavuma o kgutlela sehlopheng ka mora kotsi
Mokaptene wa sehlopha sa naha papading ya krikete Temba Bavuma, o kgutlela sehlopheng ka mora ho dula kantle ka lebaka la kotsi.
Bavuma, o fetowe ke teko tse pedi kgahlano le naha ya Pakistan moo sehlopha se lahlehetsweng ke e le nngwe le ho hapa e le nngwe.
Di’Proteas ditla kena leetong holo thulana le naha e manganga habo yona ya India hang ka mora ho qeta ka letoto la dipapadi naheng ya Pakistan.
Sehlopha setla leba India ho bapala mefuta e meraro ya dipapadi mme setla qala ka diteko tse pedi, ho latele ODI tse tharo mme ba phethele ka T20 tse hlano pele ba leba lapeng.
Bavuma, ha a so lahlehelwe ke papadi tsa diteko jwalo ka mokaptene mme boteng ba hae sehlopheng, botla bapala karolo e kgolo ho thusing sehlopha.
Afrika Boroa, ke yona e tshireletsang sekola sa dipapadi tsa diteko mme maikemisetso ke a matla a ho se hapa lekgetlo la bobedi ka tatellano.
Hosane sehlopha sa naha sa T20 setla kena papading ya pele ya tse tharo kgahlano le Pakistan.
Papadi ena e tla thakgoha ka hora ya bohlano [17:00] thapama ka nako ya Afrika Boroa.
BALA HAPE: Africa Boroa e lekanya ditlha papading ya cricket
