Tshegofatso Mabasa o fumana sehlopha kantle ho Afrika Borwa

Sebapadi sa mehleng sa Orlando Pirates le Bloemfontein Celtics Tshegofatso Mabasa, o tekenne tumellano ya dilemo tse tharo le sehlopha sa Maghreb Fez ya Morocco.

Mabasa o hlokile sehlopha ka mora hore kadimo ya hae ho Stellenbosch hotswa ho Pirates e fihle pheletsong mme Pirates e tsibise ha e ke ke ya tswelapele le yena.

Letswalla lena la Bloemfontein, e ba sebapadi sa pele sa Afrika Boroa ho leba sehlopheng sena le ha e se yena wa pele ho bapala naheng ya Morocco.

Pejana ho utlwahetse ha Mabasa a batlwa ke dihlopha tsa Turkey le Egypt empa taba eo ya fella moyeng jwalo ka mohodi.

Mabasa ke emong wa bahlabadintlha ba mantlha Afrika Borwa le ho Pirates mme o ne a setse hanyane a be a feta palo ya dintlha tse ngata ka ho fitisisa ho Pirates.

BALA: Chiefs e tsibisa sebapadi seo e leng kgale ba se batla