Wolvaardt le sehlopha ba phethela letoto la T20 ka noto e hodimo

Mokaptene wa sehlopha sa basadi papading ya krikete, o bapala ka bokgabane ho thusa sehlopha ho hapa letoto ka tsela e tsoteha.

Laura Wolvaardt, o etse mematho e 92* le ho qeta papadi a le ka lebaleng ha Afrika Boroa e ne e hlola India ka mematho e 23 papading ya ho qetela ya T20.

Wolvaardt o bapetse ka bokgabane dipapadi tse hlano kaofela mme a roba le direkoto tse mmalwa lefatsheng la krikete ya basadi.

BALA HAPE: Afrika Boroa e hlola India letotong la T20 ho setse dipapadi tse pedi

Hara tse ding tsa direkoto, o fihletse palo e hodimo ya mematho 115 (person best) le ho roba rekoto ya mematho e mengata letotong (most runs in a women’s T20 Bilateral series) ka ho etsa mematho e 330.

Sebapadi sena e bile sona sebapadi sa papadi ya letsatsi ka mora ho etsa mematho e 92 dibolong tse 56 mme a boela a hapa kgau ya sebapadi sa letoto (player of the series).

SCOREBOARD
South Africa 155/6
Wolvaardt 92*, Luus 23, Singh 2/21, Charani 2/22, Sharma 2/37
India 132/8
Mlaba 2/15, De Klerk 2/26, Marie-Marx 1/12
Proteas won by 23 runs, and win five-match series 4-1

Sehlopha setla kena boitukisong bo matla ba dipapadi tsa mohope wa lefatshe wa T20. Dipapadi tsena ditla thakgoha kgweding Phupu mme sehlopha setla tobana le naha ya Australia papading ya pele.

BALA HAPE: India e aha serobe phiri e jele ka ho hapa papadi ya pele